Фирмата "ЕЛА МАК" ДОО, Охрид, работи и успешно опстојува од 01.06.1994 година. Основачи на фирмата се Парулески Томе и Жилески Јонче, а денес традицијата успешно ја продолжуваат нивните синови Парулески Љупчо и Жилески Александар.
Сместени сме на површина од околу 12.000 м2 на главниот пат, на излезот од Охрид спрема Битола.
На почетокот на своето постоење "ЕЛА МАК" ДОО, вработуваше 4(четири) лица, а денес вработени се 14 лица, со тенденција за зголемување на бројот на вработените.
Основна дејност со која се занимава фирмата е производство на режана граѓа и тоа: штици, греди, талпи, штафни и летви во најразлични димензии зависно од потребите на купувачите. Исто така, во нашата фирма се произведува паркет, патос (бродски под), ламперија и лајсни во најразлични димензии.
Во производствениот асортиман на "ЕЛА МАК" ДОО, влегуваат и брикети кои се пакуваат во вреќи со тежина од 27 - 30 кгр. "ЕЛА МАК" ДОО, поседува сушара, од каде излегуваат суви столарски, букови и борови талпи и штици. Влажноста на сувиот материјал е 8 - 10 %.
